काठमाडौं । मैले रुँदा आँसु पुछ्थ्यौ, हाँस्दा सँगै हाँस्थ्यौ बोलको गीतको म्यूजिक भिडियोको टिजर रिलिज गरिएको छ । लोकप्रिय गायिका अञ्जु पन्तको स्वरमा रहेको गीतका शब्द शृजना बरिष्ठ गीतकार हिराकाजी थापाका हुन् ।
बरिष्ठ गायक तथा संगीतकार नागेन्द्र श्रेष्ठको सुमधुर संगीत शृजना रहेको गीतमा चाँद सिंगको एरेन्ज रहेको गीतको भिडियो काठमाडौँ उपत्यकाका रमणीय स्थानहरु किर्तीपुर, त्रिवी विश्वविद्यालयको प्रागंगण, भैँसेपाटी, पेप्सीकोला लगायतका स्थानमा २ दिन लगाएर छायांकन गरिएको छ । लामो समयदेखि बेलायतमा रहेर गीत संगीतका गतिबिधिमा सक्रिय गीतकार थापाले बेलायतमा नै बसेर इन्टरनेटको माध्यमबाट भिडियो निर्देशन गरेका हुन् । अफ्नो जन्मभूमिमा कोरोनाका कारण तत्कालै आउने अवस्था नभएपछि बेलायतमा रहेर निर्देशनमा सक्रियता जनाएका थापाले निर्देशन गरेको यो दोस्रो गीत हो ।
यस अघि फर्की आउँ त साहुको ऋण छ बोलको गीतको भिडियोको निर्देशन गरिसकेका थापाले मैले रुँदा आँसु पुछ्थ्यौ, हाँस्दा सँगै हाँस्थ्यौ बोलको गीतबाट आँफु निकै आशावादी भएको बताए । सहनिर्देशक तथा कोरियोग्राफर गौरव गिरी रहेको गीतको भिडियोमा पछिल्लो पुस्ताका लोकप्रिय नायक आकाश श्रेष्ठको दमदार अभिनय रहेको छ ।
पछिल्लो समय समाजमा बढ्दो डिर्भोस परम्परा र प्रेममा धोका पाएकाहरुको कथामा नायक आकाश श्रेष्ठले जिवन्त अभिनय गरेका छन् । जुन भूमिकालाई उनले आफु्ले अभिनय गरेका भिडियोहरुमध्येकै भिन्न र महत्वपूर्ण भएको बताएका छन् । भिडियो आगामी शुक्रबार अर्थात पुष ३ गते रिलिज गरिने तयारी गरिएको निर्देशक थापाले जानकारी दिए ।
