नेपाली सिनेमाका खुंखार भिलेन । सयौं फिल्ममा द्ध, न्द निर्देशकको भूमिका निभाएका द्धन्द निर्देशक । अर्थात्, पछिल्लो समय कहिले पत्रकारलाई पागल, कहिले डन भनेर त कहिले राजेश हमालको प्रेमिकाकोसम्म पोल खोलेर सामाजिक संजालमा भाइरल भइरहने नाम । मनमा केही नराखीकन ब्ल्यांगब्लुंग बोलिरहने स्वभाव । अर्थात्, राजेन्द्र खड्गी ।
बुधबार कला टिभीको टिम ललितपुरको झम्सीखेलस्थित हिमालयन जाभामा पुग्दा यिनै खड्गी कालो चश्मा, कालै ज्याकेट, कालै टिसर्ट, कालै पेन्ट र कालै बुटमा टिपटप सजिएका भेटिए ।
कुनै समय रियलमा पनि डनको भूमिका निभाएको बताउने खड्गी त्यहाँ पुग्दा पनि डनकै चरित्रमा देखिन्थे । कहिले हातमा पेस्तोल बोकिरहेका थिए त कहिले धुँवा फ्याक्दै सिगरेट तानिरहेका थिए । उनको छेउमा थिइन्, एक रसियन युवती । ति युवतीसँग मस्कीमस्की उनी अंग्रेजीमा गफिइरहेका थिए ।
यो सब देखेपछि पक्कै जिज्ञासा जाग्न सक्छ, आखिर राजेन्द्र खड्गी त्यहाँ के गरिरहेका थिए त ? को थिइन्, उनको छेउमै बसिरहेकी ति युवती ?
जवाफमा राजेन्द्र खड्गीले फिल्मको सुटिङ गरिरहेको र रसियन युवती फिल्ममा आफ्नो गलफ्रेन्ड रहेको बताए ।
यो कस्तो फिल्म हो, खड्गीलाई सोध्दा जवाफमा उनले कालो धन तथा अवैध रकमको कारोबारको कथामा यो फिल्म केन्द्रित रहेको बताइरहेका थिए । बाँकी के के भयो, आफै हेर्नुस् त्यहाँका रमाइलो दृश्य
बङ्गलादेशबाट पुस अन्तिम साता मल आइपुग्ने
बङ्गलादेशबाट खरिद गरिएको ५० हजार मेट्रिक टन रासायनिक मल पुस अन्तिम साता नेपाल आइपुग्ने भएको छ । यही पुस २ गते सरकार–सरकारबीच (जीटुजी)मार्फत रासायनिक मल खरिदको सम्झौता भएको थियो ।
मल खरिदको सम्झौता गरेर फर्किएको नेपाली टोलीले मल ल्याउने तयारीस्वरुप एलसी (प्रतितपत्र) खोल्ने काम शुरु भएको जनाएको छ । मल खरिदको जिम्मा पाएको कृषि सामग्री कम्पनीले शुक्रबार सिदार्थ बैंङ्कमा एलसी खोल्न पत्र पठाएको जनाएको छ ।
नेपालमा एलसी खोलेको जानकारी गराएपछि बङ्गलादेशको कम्पनीले एलसी खोलेर मल खरिदको तयारी गर्ने जानकारी आएको कम्पनीका प्रबन्ध सञ्चालक नेत्रबहादुर भण्डारीले जानकारी दिनुभयो । उहाँका अनुसार दुवै देशले एलसी खोलेको १५ दिनभित्रमा मल खरिद शुरु हुनेछ ।
“बङ्गलादेशमा गएर सम्झौता गरेपछि मल आउने ढुक्क भएको छ, हामी जतिसक्दो छिटो खरिद गर्ने तयारीमा छौँ, पुस अन्तिमसाता पहिलो लटको मल नेपाल आइपुग्छ”, उहाँले भन्नुभयो । प्रति मेट्रिक टन २५९.१९५ अमेरिकी डलरमा मल खरिदको सम्झौता भएको भण्डारीले जानकारी दिनुभयो । उहाँका अनुसार बङ्गलादेशसँग प्रति मेट्रिक टन १८ डलर कममा सम्झौता भएको छ ।
जीटूजीमार्फत मल ल्याउन गत कात्तिक २४ गते बसेको मन्त्रिपरिषद् बैठकले कृषि तथा पशुपक्षी विकास मन्त्रालयलाई स्वीकृति दिएको थियो । मन्त्रालयको निर्देशनअुनसार कृषि सामग्री कम्पनीले मल खरिदको तयारी गरेको थियो । तयारी स्वरुप यही पुस २ गते जीटुजी प्रक्रियामार्फत मल खरिदका लागि कृषि सामग्री कम्पनीका प्रबन्ध सञ्चालक भण्डारी र बङ्गलादेश केमिकल इन्ड्रस्ट्रिज कर्पोरेसनका अध्यक्ष महम्मद एमिन उल अहसनबीच सम्झौता भएको थियो ।
कृषि सामग्री कम्पनीले यसअघि नै मल ढुवानीका लागि संयुक्त अरब इमिरेट्स (यूएई) को जेन्ट्रेड एफजेडएफसँग सम्झौता गरिसकेको छ । उक्त कम्पनीले रेलमार्गबाट वीरगञ्ज, विराटनगर र भैरहवामा मल ल्याउनेछ । बङ्गलादेशबाट मल आएपछि आगामी दिनमा मलको अभाव नहुने कम्पनीले जनाएको छ ।
