नेपाली कांग्रेसका प्रभावशाली नेता शेरबहादुर देउवाको नेपाली राजनीतिमा पुनः चर्चा चुलिएको छ । प्रधानमन्त्री केपी शर्मा ओलीले प्रतिनिधि सभा बिघटन गरेपछि राजनीतिमा नयाँ तरङ्ग पैदा भएसंगै ज्योतिषीले सात पटक सम्म प्रघान मन्त्री हुने योग रहेको भविष्य बाणीको चर्चा चलेको छ ।
२०७४ साल मंसिरमा सम्पन्न भएको चुनावमा नेता देउवाले ज्योतिषीले सात पटक प्रधानमन्त्री बन्ने योग छ भनेकाले निर्वाचन पछि पुनः आफु नै प्रधानमन्त्री हुनै भन्दै नेपाली जनतालाई बहुमत दिन आग्रह गरेको कुराले त्येतिबेला निक्कै चर्चा कमाएको थियो ।
शक्तिशाली बाम गठबन्धनले पाँच बर्षका लागि बनाएको सरकार यतिबेला भत्किएको छ र तीन शक्तिशाली पूर्व प्रधानमन्त्री पुस्पकमल दाहाल प्रचण्ड, माधब कुमार नेपाल तथा झलनाथ खनाल लगाएका अन्य नेताहरु यतिबेला सडकमा उत्रिएका छन् ।
तीनबर्ष अघि नै ज्योतिषीले पुनः प्रधानमन्त्री बन्ने योग रहेको भनेर भबिस्यबाणी गरेको कुरा यतिबेला सत्य साबित हुन लागेकाले देउवाले राजनीति भेटघाटलाई तिब्र पारेका छन् भने ओली समुहले उक्त भबिस्यबाणी गर्ने ज्योतिषीलाई कडा निग्रानिमा राखेको स्रोतले जानकारी गराएको छ ।
हाल दक्षिण एसियाली ज्योतिष महासंघ नेपालका महासचिव सुरेश चन्द्र रिजालले नेता देउवाको ग्रह राशि तथा नक्षत्र केलाएर भबिस्यबाणी गरेका थिए ।
२०७४ मा भबिस्यबाणी गर्दा उनले निक्कै आलोचना खेप्नुपरेको समेत रिजालले जानकारी गराएका छन् । नेपालको पछिल्लो राजनीति देउवाको वरिपरि घुमेकाले पुनः देउवा प्रधानमन्त्री बन्ने लक्षण देखिएपछि भबिस्यबाणी गर्ने ज्योतिषीको चर्चा चुलिएको हो ।
यतिबेला विभिन्न पाटिका नेता तथा कार्यकर्ताले ज्योतिषीलाई पटकपटक टेलिफोन मार्फत सम्पर्क गरिरहेको पारिवारिक स्रोतले जानकारी गराएको छ ।
