काठमाडौ । स्वास्थ्यमा समस्या आएपछि नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्ड पत्नी सीता दाहाललाई अस्पताल भर्ना गरिएको छ।
बुधबार दिउँसो दाहाललाई ललितपुरको भैंसेपाटीस्थित मेडिसिटी अस्पताल भर्ना गरिएको हो। अहिले उनको मेडिसिटी अस्पतालमा उपचार भइरहेको छोरी गंगा दाहालले जानकारी दिएकी छन्। दाहाल पत्नी छोरा प्रकाश दाहालको निधन पछि गम्भिर बनेकी हुन् ।
दाहाल पाकिन्सन्स्जस्तो जटिल रोग पीएसपी (प्रोग्रेसिभ सुपरान्यूक्लियर पाल्सी) बाट पीडित छन्। उनलाई उपचारका लागि प्रचण्डले नेपालमा र मुलुकबाहिर पनि धेरै ठाउँमा लगिसकेका छन् ।
प्रचण्ड परिवारले उनलाई थप उपचारका लागि यसै साता भारत लैजाने तयारी गरिरहेको थियो। यस अघि पनि उनको भारतमा उपचार भएको थियो । रामदेव वावाको आश्रममा पनि सीताको उपचार गरिएको थियो ।
प्रचण्डले सीतालाई उपचारका लागि अमेरिका र सिंगापुर समेत लगेका थिए । सिंगापुरमा सीताको करिब एक महिना लामो उपचार भएको थियो ।
