सुनसरी । राजसंस्था पूनस्र्थापनाको माग गर्दै झापामा शनिबार सम्पन्न हुने मोटरसाइकल ¥याली भव्यताका साथ सम्पन्न हुने आयोजकहरूको दावी छ ।
पूर्वमन्त्री रामकुमार सुब्बाको नेतृत्वमा सुनसरी र मोरङबाट मात्र ६ हजार मोटरसाइकल सहभागी हुने बताइएको छ ।
राजसंस्था र हिन्दु राष्ट्र मूल माग रहेको मंसिर २० गतेको कार्यक्रममा झापाबाट युवाहरूको उल्लेख्य सहभागिता रहने देखिन्छ । आयोजकहरूले १० हजार जनता सहभागी हुने बताएका छन् । यसका लागि राष्ट्रिय प्रजातन्त्र पार्टी, झापाले औपचारिक तयारी जारी राखेको छ ।
राप्रपाका नेताहरू रामकुमार सुब्बा, राजेन्द्र लिङ्देन, राम थापा, रोहित राजवंशी, कल्याण खड्का तयारीमा सक्रिय देखिएका छन् ।
शाही शक्ति नेपालका केन्द्रीय संरक्षक मुनिन्द्र राजभण्डारीले यस अघि नै कार्यक्रम भव्यताका साथ सम्पन्न गर्ने आह्वान गरीसकेको छन् । ¥यालीको लागि सम्पूर्ण राष्ट्रवादी समाज, झापाको ब्यानरमा सक्रिय तयारी पनि जारी राखिएको छ ।
राजसंस्था र हिन्दु राष्ट्रमा आस्था राख्ने संघसंस्था, दल, समूह र स्वतन्त्र व्यक्तिहरू शनिबार सम्पन्न हुने विशाल ¥यालीमा सहभागी हुने बताइन्छ । नेपाली कांगे्रस, नेकाका असन्तुष्ट युवालगायत स्थानीय बुद्धिजीवी र स्वतन्त्र नागरिकहरू कार्यक्रम सहभागी हुने अवस्था देखिन्छ ।
यस अघि ‘राजा ल्याउ देश बचाउ’ भन्ने नारामा बुटवल, नेपालगंज, जनकपुर, पोखरा, धनगडी, रौतहट नवलपुर, रौतहट, दाङ, सुर्खेत, बर्दिया, हेटौंडा, महेन्द्रनगर र काठमाडौंमा ¥यालीहरू सम्पन्न भएको छ । त्यस्ता कार्यक्रममा जनताहरू स्वतःस्फूर्त सहभागी भएको बताइएको छ ।
