एउटी महिला आफ्नो नाकलाई अलिक सानो बनाउन चाहन्थिन् । उनलाई नाकको कारण आफ्र नराम्रो छु भन्ने लाग्दथ्यो । उनका साथीहरुले उनलाई प्लाष्टिक सर्जरी गर्न सुझाए र उनी अस्पताल गइन् ।
अस्पतालबाट फर्किदा भने उनको जीवन एक नराम्रो सपना जस्तै भयो । उनको नाक त उनले भने झैं आफ्नो ठाउँमा आयो तर उनका दुबै गोडा ठाउँमा थिएनन् ।
२५ बर्षे सेभिंक सेक्लिकको नाक सानो बनाउनको लागि टर्कीको राजधानी इस्तानबुलको निजी अस्पतालबाट नाक घटाउने शल्यक्रिया गरियो । सेभिंकलाई थाहा थिएन कि यो शल्यक्रिया उसको खुट्टा नहुनुको एक दिन कारण बन्छ ।
मिडिया रिपोर्टका अनुसार दुई घण्टा लामो शल्यक्रिया पछि उनको अवस्था ठीक थियो, तब डाक्टरहरूले उनलाई घर पठाए । घर जाँदै, सेभिंक ज्वरो बढ्यो । यद्यपि अस्पतालले भन्यो कि उसको अवस्था ठीक छ । दिन प्रतिदिन अवस्था झन् झन् खराब हुँदै गयो ।
शल्यक्रिया पछि उनी खाना पनि नखाई बिरामी परिरहिन् । उसको खुट्टा कालो भएको थियो। अवस्था गम्भीर बनेपछि उनलाई अस्पतालमा भर्ना गरिएको थियो । पछि जीवन बचाउन, खुट्टा का टि ए को थियो ।
अस्पतालले उनले खाएको चिकेनबाट फुड पो इ ज न भएर उनको खुट्टामा समस्या आएको बताएको छ । अदालतले यस सम्बन्धमा विज्ञ प्रतिवेदन खोजेको छ । २०२१ अप्रिलमा विज्ञको प्रतिवेदन पछि अदालतले यसबारे निर्णय लिने छ ।
माधव नेपालको क्यारिकेचर गर्दै केपी ओलीले भने, ‘माधव प्रचण्डको मामुली कार्यकर्ता मात्रै हो’, कार्यक्रममा उपस्थित ओलीका कार्यकताहरु हाँस्दा हाँस्दै ढले, तपाईले पनि यो भिडियो हेर्नुभयो भने थामिने छैन हाँसो, हाम्रा कमेडियन प्रधानमन्त्रीको अर्को कमेडी हेरौँ र केहीबेर भए पनि मुड फ्रेस गरौँ, भिडियो सहित
नयाँ चालक अनुमतिपत्रका लागि परीक्षा खुलाउने तयारी
नौ महिनादेखि बन्द रहेको नयाँ चालक अनुमतिपत्रका लागि परीक्षा खुलाउन तयारी शुरु गरिएको छ । नेपालमा गत चैतमा कोभिड–१९ को सङ्क्रमण देखिन थालेसँगै सरकारले नयाँ अनुमतिपत्रका लागि परीक्षा स्थगित गरेको थियो ।
यातायात व्यवस्था कार्यालयसँगको समन्वयमा यातायात व्यवस्था विभागले नयाँ अनुमतिपत्रका लागि आवेदन लिन थालिएको विभागले जनाएको छ । नयाँ अनुमतिपत्रका लागि ‘सफ्टवेयर’ र छपाइको काम विभागले गर्दै आएको छ भने प्रदेश सरकारअन्तर्गतका कार्यालयले परीक्षा सञ्चालन र अनुमतिपत्र वितरण गर्छन् । अहिले प्रदेश सरकारले अनुमतिपत्रका लागि परीक्षा लिन चाहेकाले आवेदन खुलाइएको विभागका महानिर्देशक गोगनबहादुर हमालले बताउनुभयो । उहाँका अनुसार सात वटै प्रदेशले नयाँ अनुमतिपत्र खुलाउने भएका छन् । उहाँले भन्नुभयो, “सेवाग्राहीले आफ्नो अनुकूल मिलाएर अनलाइनमार्फत फारम भरेर परीक्षामा समावेस हुन सक्नुहुन्छ ।”
एकान्तकुनास्थित यातायात व्यवस्था कार्यालयका प्रमुख सम्बरबहादुर कार्कीले मङ्गलबारदेखि फारम लिन थालिएको भए पनि केही दिनपछि मात्रै परीक्षा लिइने बताउनुभयो । कोभिड–१९ को जोखिम कायम रहेकाले भीडभाड कम हुने गरी लिखित र प्रयोगात्मक परीक्षा लिइने उहाँको भनाइ छ । उहाँले भन्नुभयो, “एक दिनमा निश्चित सङ्ख्यामा मात्रै सेवाग्राही आउने गरी व्यवस्था मिलाइनेछ ।”
कार्यालयले गत चैतदेखि नै नयाँ अनुमतिपत्रका लागि परीक्षा लिएका थिएनन् । यसबीचमा पनि अनुमतिपत्र नवीकरण र वितरणको काम भने भइरहेको थियो । लामो समयसम्म अवरुद्ध सेवा एकै पटक खुलाउँदा भीड हुने भएकाले निश्चित सङ्ख्यामा मात्रै सेवाग्राही आउने गरी व्यवस्था मिलाउन लागिएको हो ।
