काठमाडौं । नेपाल आइडलबाट चर्चा कमाएकी लोकप्रिय गायिका अस्मिता अधिकारीको स्वर रहेको माझी दाईको भिडियो सार्वजनिक गरिएको छ । गीतमा अस्मितालाई गायक भिम श्रेष्ठले स्वरमा साथ दिएका छन् । प्रेम रोमान्सका दृश्यहरु देखाइएको भिडियोमा लाहुरे युवकले आँफु एक्लो भएको कुरा सांकेतिक तरिकाले युवतीलाई राख्छन् । र ति युवतीले पनि आफ्नो दिल र हात त दिन्छिन् तर ति युवकले एक्लो यात्रा तय गर्छन् ।
प्रेम, रोमान्स, माझीदाईले माछा मारिरहेका रमाइला दृश्य सहित वियोगान्त प्रेम कथाले भरिएको भिडियोमा गायक भिम र स्मृति श्रेष्ठको अभिनय रहेको छ । माझी दाईले खोलामा जालो हानेर हेरेर बसेकी कान्छीको फोटो खिच्दा नजिकिएकी युवतीसँग गरिएको रोमान्टिक कुराकानीलाई निर्देशक फराज अर्पणले गज्जबसँग प्रस्तुत गरेका छन् ।
निर्देशक फराजको शब्द संगीत रहेको भिडियोको छायांकन अनिल कटुवाल र फराज अर्पणको रहेको छ । फराज अर्पण र सतिज श्रेष्ठको सम्पादन रहेको गीतको एरेन्ज बिजेश्वर तण्डुकारले गरेका हुन् । राजेश्वर तण्डुकारको मिक्स मास्टरिगं रहेको गीतको भिडियोमा सतिज श्रेष्ठको कलर रहेको । सार्वजनिक भिडियोलाई गायक श्रेष्ठकै अफिसियल च्यानलबाट बजारमा ल्याइएको हो ।
