काठमाडौं। नेपाली हाँस्यव्यङ्य छेत्रका हस्ती मनोज गजुरेलले कोभिड–१९ संक्रमणबाट मुक्त भएर स्वास्थ्य अवस्था सामान्य भएपछि गजुरियल शैलीमा डिसी नेपाल डटकमसँग कुराकानी गरेका छन्। कोरोनाले गरेको आक्रमणलाई उनले बिर्साउने गरी बढो रमाइलोसँग कुराकानी गरे।
कोरोनाका कारण आत्तिनु पनि नहुँने र हेल्चेक्र्याँई पनि गर्नु नहुँने उनको भनाइ छ। आफैं डाक्टर हुँन खोज्दा स्वास्थ्यमाथि खतरा हुनसक्ने उनको भनाइ छ। गाईजात्रामा उनले भारतीय मिडियाका एक पात्र अर्नव गोस्वामीमाथि गरिएको क्यारिकेचरलाई सम्झँदै गाईजात्रा कोभिडको कारणले सडक–स्टेजबाट टीभीको पर्दामा पुगेको बताए।
समसामयिक राजनीतिमाथि छोटो टिप्पणी गर्दै माधब नेपालको शैलिमा केहि व्यङ्य प्रस्तुत गरे। कमेडी च्याम्पिएनको दोश्रो श्रृंखलाको प्रारम्भिक काम सुरु भैसकेको र छिट्टै टेलिभिजनमा उनले जानकारी दिए। नयाँ बर्षसँगै नयाँ जिन्दगीको च्याम्पिएन पनि पाउँने र नयाँ जोश जाँगरका साथ अगाडि बढ्ने उनले बताए।
https://fb.watch/2NKuBYVPqz/
प्रतिनिधिसभा विघटन हुँदैन : सभामुख सापकोटा
सभामुख अग्निप्रसाद सापकोटाले सरकार गठन गर्ने विकल्प रहँदासम्म प्रतिनिधिसभा विघटन नहुने स्पष्ट व्यवस्था रहेको बताउनुभएको छ । सर्वोच्च अदालतमा आज आफ्नो लिखित जवाफ पठाउँदै उहाँले सार्वभौम जनताको प्रतिनिधिमूलक संस्थाको विघटन संसद्माथिको हस्तक्षेप भएको उल्लेख गर्नुभएको छ । प्रतिनिधिसभाको विघटन नेपालको संविधानको मर्म र भावनानुरुप नभएको उहाँको जवाफमा उल्लेख छ ।
नेपालको संविधानको धारा ७६ मा प्रतिनिधिसभामा सरकार गठन गर्ने विकल्प रहँदासम्म प्रतिनिधिसभा विघटन नहुने स्पष्ट व्यवस्था रहेको सभामुखको जवाफमा उल्लेख छ । संविधानको फरक व्याख्या नहोस् र शक्तिपृथकीकरण, सन्तुलन र नियन्त्रण कायम राख्न सकियोस् भन्ने मान्यता संविधानमा प्रतिनिधिसभाको कार्यकालका बारेमा स्पष्ट लेखिएको उहाँको भनाइ छ ।
विगतका विसङ्गतिपूर्ण अभ्यासलाई सच्याउँदै स्थिरता र यसमार्फत समृद्धिको जनचाहनालाई सम्बोधन गर्न प्रतिनिधिसभाको पूर्ण कार्यकालको परिकल्पना गरिएको तथ्य स्मरणीय रहेको सभामुखको जवाफमा समेटिएको छ । संविधानले प्रतिनिधिसभा सदस्यले सरकार गठन गर्न सक्ने अवस्था नभएमा मात्र विघटन हुन सक्ने व्यवस्था गरेको भए पनि अहिले त्यस्तो अवस्था नभएको उहाँको जवाफमा भनिएको छ ।
“प्रतिनिधिसभा विघटन हुँदा सिङ्गो प्रतिनिधिसभा तथा आफूलाई मर्माहत बनाएको मात्र नभई सार्वभौम जनताको प्रतिनिधिमूलक संस्था संसद्उपर हस्तक्षेप हुन गएको देखिन्छ । त्यस्तो हस्तक्षेप नेपालको संविधानको मर्म र भावनाअनुरुप देखिन नआएको हुँदा रिट निवेदकको दाबी संविधानबमोजिम नै देखिएकाले प्रतिनिधिसभा विघटन हुन सक्ने कुनै आधार छैन”, सभामुख सापकोटाको जवाफमा उल्लेख छ ।
