रामेछाप । छोरी ४ वर्षको हुँदाखेरी घरपरिवार छाडेर गएका दिक्षाका बाबा अहिले छोरी दिक्षा १५ वर्षकी भईसकेकी छन् तर उनको बाबा भने अझैं घर फर्किएका छैनन् । दिक्षालाई आफ्नो बाबा घर फर्किदिए हुन्थ्यो भन्ने हरेक पल लागिरहन्छ रे । दिक्षालाई मात्र नभई उनका बाबा जाहाँ भएपनि घरमा फर्किदिए हुन्थ्यो भन्ने उनको एउटै भएको दाईलाई पनि लाग्ने गर्दछ ।
दिक्षा र उनको दाई भन्दा अझैं बढी उनीहरुका बाबा घरमा फर्किदिए हुन्थ्यो भन्ने उनीहरुकी आमा मेनुका भन्छिन् । श्रीमानले एक्कासी घर परिवार र छोराछोरी छोडेर जानुको कारण मेनुकाले अहिलेसम्म बुझ्न सकेकी छैनन् । छोराछोरी सानै छंदा उनीहरुलाई अलपत्रै पारेर हिंडेका मेनुकाका श्रीमान नेपाली आर्मी हुन् । मेनुकाको भनाई अुनसार उनी बुटवल छंदा परिवार र आफन्तहरुलाई छाडेर गएका रहेछन् ।
त्यो समयदेखि आजसम्म उनका श्रीमान घर सम्झिएर फर्किएका छैनन् । उनी कता छन् भनेर ठ्याक्कै मेनुका र उका छोराछोरीलाई केही अत्तोपत्तो छैन । छोरी दिक्षाको भनाई अनुसार उनी सानै छंदा आफ्नो बाबालाई अर्कै केटीसंग हिंडेको देखेकी थिईन् रे । तर अहिले त्यही केटीसंगै छन् या छैनन् त्योपनि उनीहरुलाई थाहा छैन ।
वर्षौंसम्म घर सम्झिएर फर्कन्छन् कि भन्ने आशामा छोराछोरी र श्रीमती मेनुकाले कुर्दापनि नफर्किएपछि अहिले उनीहरुले हराएका श्रीमानको र बाबाको फोटो मिडियालाई देखाउँदै आफ्नो खोजी कार्यलाई जारी राखेका छन् एउटा नयाँ अध्यायबाट । उनीहरुलाई यो आशा छ कि भिडियोमा देखाएको फोटो देखपछि भेटेकाले उनीहरुलाई सम्पर्क गरिदिने छन् भन्ने । त्यसैले वर्षौंदेखि हराईरहका आफ्नो श्रीमानलाई खोज्नकोलागी मेनुकाले अन्ततः मिडियाकै साहारा लिएकी छन् ।
