काठमाडौं २२ मंसिर । सत्तारुढ दल नेपाल कम्युनिष्ट पार्टी (नेकपा)मा यति बेला भुइचालो नै आएको छ । एउटै पार्टीमा दुई अध्यक्ष भएर पार्टी हाक्ने काम भइरहेको समयमा एक्कासी पार्टीमा भुइँचालो आएको छ ।
दुई अध्यक्षबिच नै पत्रको दोहोरी चलेपछि नेकपाका अध्यक्षद्धय प्रधानमन्त्री केपी शर्मा ओली र अध्यक्ष पुष्पकमल दाहाल प्रचण्डबिच जुहारी परेको हो । गत कात्तिक २८ गते प्रचण्डले पेश गरेको राजनीतिक प्रतिवेदनमा प्रम ओलीले ३८ पृष्ठ लामो जवाफ दिएपछि विवाद झन् बल्झिएको हो । पटक पटक बैठकको अवज्ञा गर्दै आएका प्रम ओली आफु कुनै पनि पद नछोड्ने जिकिर गर्दै आएका छन्, भने उनलाई प्रचण्ड नेपाल समुहले तिन पटक अल्टिमेटम दिइसकेको छ । अल्टिमेटम दिएपछि मात्र बैंठकमा उपस्थित हुने प्रम ओलीले के सत्ता र कुर्सी कै लागि यो सब गरेका हुन् त प्रश्न यहाँ उठ्छ । पहिलो पटक ४८ घण्टा, दोस्रो पटक तिन दिन र तेस्रो पटक हिजो सात दिनको अल्टिमेटम दिइएको छ ।
यसरी एक अर्कालाई पत्रमा आरोप प्रत्यारोप गर्ने बैंठकमा नआए अल्टिमेट दिने, बैंठकमा जान नमान्ने हो भने नेकपा अब कतारि जान हो सोच्ने बेला आएको छ । हिजो मात्रै प्रम ओलीले पत्र लेखि आफु प्रचण्डको कारण बैठकमा नआएको भनि स्पष्ट पारेका थिए । उनको पत्र लिएर उनका निकट ईश्वर पोखरेल बैठकमा उपस्थित भएका थिए । ओली निकट बैंठकमा सबै सहभागी हुँदा प्रम ओली मात्र एक्ला व्यक्ति थिए जो बैंठकमा गएनन् ।
हिजो बसेको बैंठकले नेकपाको विवाद मिलाउँछ कि भनेर सुरक्षा व्यवस्थालाई कडा पारिएको थियो तर नेकपाका बैंठक पटक पटक हात्ती आयो हात्ती आयो फुस्सा भएको छ ।
