हालै एक युट्युव च्यानलसँको कुराकानीमा भद्रगोल टिमले यसबारे खुलासा गरेको छ । गर्भवती भएका कारण उनी अब छिट्टै पुनः प्रशारण हुन लागेको भद्रगोलमा समेत नदेखिने सम्भावना रहेको बताइएको छ ।सिरियलमा हाँस्य कलाकारको भूमिका निमाउने रक्षाको मन निकै कोमल छ । भद्रगोलमा जिग्रीकी मायालु प्रेमिका बनेकी रक्षा वास्तविक जीवनमा रुन्ची छिन् । सानोतिनो कुरामा पनि तुरुन्तै रोइहाल्ने बानी उनी स्वयम्लाई मन पर्दैन ।
यसले रक्षालाई एउटा कुरामा भने फाइदा भएको छ । अभिनय गर्दा पनि उनलाई रुनका लागि ग्लीसिरिन चाहिदैन । ‘प्राय सुटिङमा म त्यत्तिकै रोइदिन्छु,’ रक्षाले भनिन् ।फेशनको मामलामा उनी औधी सौखिन छिन् । पैसा भएपछि लुगा किन्न दौडिहाल्छिन् । लुगा र जुत्तामा विषेश सोख छ उनलाई । उनको अर्को सौख छ, पिकनिक जाने । पिकनिकमा उलाई निकै रमाइलो लाग्छ । तर, तीन वर्षदेखि पिक्निक जान नपाएको सुनाइन् ।एक सयको हाराहारीमा म्युजिक भिडियोमा अभिनय गरेकी रक्षाले ६५ भन्दा बढी विज्ञापनमा अभिनय गरेकी छिन् । राम्रो स्त्रिप्ट पाए मात्रै फिचर फिल्ममा काम गर्ने उनी बताउँछिन् ।
दुई वर्षभित्र ग्रामीण मूलबाटो कालोपत्र गरिने
इटहरी उपमहानगरपालिका प्रमुख द्वारिकलाल चौधरीले आगामी दुई वर्षभित्र नगरका सम्पूर्ण ग्रामीण क्षेत्रका मूलबाटो कालोपत्र गर्ने कार्य सम्पन्न हुने बताउनुभएको छ ।
इटहरी–४ को वडा कार्यालय भवनको आज शिल्यान्यास गर्दै उहाँले बहुवर्षीय सडक योजनाअन्तर्गत गाउँका मूलबाटो पाँच वटा कालोपत्र भइसकेका र अन्य योजनामा काम भइरहेको जानकारी दिनुभयो । प्रमुख चौधरीले ग्रामीण जनतालाई उपमहानगरवासी भएको अनुभूति गराउन बाटो निर्माण कार्यलाई तीव्रता दिएको बताउँदै सत्तारुढ नेकपामा देखिएको विग्रहले नगरको विकासमा कुनै प्रभाव नपार्ने धारणा राख्नुभयो ।
उपप्रमुख लक्ष्मी गौतमले नगरमा हुने विकास निर्माण कार्यको गुणस्तरमा कुनै सम्झौता नहुने बताउँदै नगरवासीलाई आफ्नै भवनबाट सेवा प्रदान गर्न वडा कार्यालय भवन निर्माणलाई तीव्रता दिइएको जानकारी गराउनुभयो ।
उक्त वडा कार्यालय भवन रु ८६ लाख ४४ हजार ४४४ को लागतमा निर्माण हुनेछ । वडाध्यक्ष चन्द्र भट्टराई र उपमहानगरका इञ्जिनीयर जीवन घिमिरेले नगरका आठ वटा वडा कार्यालयको निर्माण सम्पन्न भइसकेको छ भने यस आर्थिक वर्षमा आठ वटा भवन निर्माण सम्पन्न गर्ने लक्ष्य रहेको जानकारी दिनुभयो । चार वटा वडा कार्यालय भवनको आगामी आर्थिक वर्षमा निर्माण गरिने नगरले जनाएको छ ।
