काठमाडौँ । एशियन महिला एसोसिएशन (आमा) युकेले विविध कार्यक्रमका साथ अन्तर्राष्ट्रिय नारी दिवस मनाएको छ । श्रद्धा गुरुङ मोडेरेटर रहेको कार्यक्रम शनिबार र आइतबार २ दिन भर्चुयल जूम मार्फत विशेष कार्यक्रमको आयोजना गरी मनाइएको हो । कोभिड–१९ का कारण भर्चुयली मनाइएको कार्यक्रममा ‘आइ एम बेलमाया’ नामक वृत्तचित्र प्रर्दशन गरिएको छ । गरिबीको रेखामुनि जन्मिएकी बेलमायाको जीवन कथामा आधारित वृत्तचित्र थुप्रै महिलाहरुको लागि प्रेरणाको श्रोत बन्न सकुन् भन्ने उदेश्यले उक्त वृत्तचित्र प्रर्दशन गरिएको थियो । वृत्तचित्र प्रर्दशनबाट संकलित ८ सय २ पाउण्ड मध्ये केही रकम बेलमायालाई र केही रकम वृत्तचित्र निर्माण समूहलाई प्रदान गरिने छ । यस वर्ष विश्वभर “चुज टु च्यालेञ्ज” नाराका साथ अन्तर्राष्ट्रिय नारी दिवस मनाइरहेको अवस्थामा आमाले विगतको भन्दा फरक ढंगले उक्त दिवस मनाएको हो ।
अहिले संसारभर महामारीको रुपमा फैलिरहेको सहभागीहरुको भनाई थियो । एसोसिएशनकी अध्यक्ष विभा गुरुङको अध्यक्षतामा सम्पन्न उक्त कार्यक्रममा आई एम बेलमायाकी निर्देशक सु कार्पेन्टर, बेसहारा लाश व्यवस्थापनमा महत्वपूर्व भूमिका निभाउँदै आएकी सपना रोका मगर, ब्रिटिश गोर्खा आर्मीकी क्याप्टेन अंशु गुरुङ, वारिष्टर स्नेह शाक्य श्रेष्ठ लगायतले नेपाली महिलाहरुले भोग्दै आएको समस्या, संघर्ष, चुनौती, संभावना, उत्थान, अधिकार लगायतको विषयमा आ–आफ्नो विचार राख्नु भएको थियो । उहाँहरुले अझै पनि महिलाहरुलाई आफ्नै घरमा विभेद रहेको बताउँदै विभेदको अन्त्य घरैबाट हुनु पर्नेमा उहाँहरुले जोड दिनु भयो । त्यस्तै, विगत केही वर्षदेखि बेसहारा लाशको व्यवस्थापनमा जुट्दै आएकी सपना रोका मगरको अभियानलाई सहयोग गर्न चाहनु हुने महानुभावहरुले “गो फण्ड” मार्फत सहयोग गर्न एशिएन महिला एसोसिएशन (आमा) युकेले सम्पूर्णमा अपिल समेत गरेको छ ।
