काठमाडौँ । नायिका वर्षा शिवाकोटी आकाश श्रेष्ठको अंगालोमा बाँधिएर रोइरहेको अवस्थामा फेला परेकी छिन् । गायक छवी न्यौपाने र मेलिना राईको स्वरमा सजिएको नयाँ गीत यो जुनीमा तिम्रो बोलको गीतको भिडियोमा ह्याण्डसम हिरो आकाश श्रेष्ठ र सुन्दरी नायिका वर्षा राउतबिचको प्रेमलाई गज्जब तरिकाले देखाइएको छ । लोकप्रिय गायक तथा संगीतकार किशोर शिवाकोटीको शब्द तथा संगीत शृजना रहेको गीतमा ह्याण्डसम हिरो आकाश श्रेष्ठ र सुन्दरी नायिका वर्षा राउतबिचको प्रेम र भावी जीवनको गाथालाई निर्देशक निकेश खड्काले नजिकबाट केलाएका छन् ।
विबाह गर्ने उमेर पुगेका हरेक प्रेमी प्रेमीकाले भोग्नु पर्ने मिलन र विरहको गाथालाई कलात्मक शैलीमा प्रस्तुत गरिएको भिडियोमा आकाश र वर्षाले चलचित्रको कुनै कथा जस्तो लाग्नेगरी गज्जब अभिनय गरेका छन् ।
रुपेश खड्काको सम्पादन रहेको भिडियोको छायांकन बुद्ध थापाले गरेका हुन् । एनपी म्यूजिक हवबाट बजारमा ल्याइएको गीतको भिडियोको निर्देशन निर्देशक निकेश खड्काले गरेका हुन् ।
