काठमाडौँ- केहि समय अगाडी मात्र लोकदोहोरी गीत ‘हातैका पौजाले…’ नामक गीतबाट राम्रो चर्चा कमाएका गायक तथा सर्जक कुशल बेलबासेको ‘सनिसार…’ बोलको गीत सार्वजनिक भएको छ । अर्घाखाँची जिल्लामा जन्मिएर काठमाडौंंमा एक दशक भन्दा बढी नेपाली गीत संगीतमा संघर्ष गर्दै आएका बेलबासेको बिहिबार ‘सनिसार…’ सार्बजनिक भएको हो ।
लामो समय देखि नेपाली गीत संगीतमा राज गर्दै आएकी गायिका पूर्णकला बिसिले गायक बेलबासेलाई आबाजमा साथ् दिएकी छिन्। गीतमा लय तथा शब्द सिर्जना गायक कुशलले आफै गरेका हुन्। भिडिओमा शिशिर पौडेल र लोकप्रिय मोडल सारिका केसीको दमदार अभिनय देख्न सकिन्छ । भिडियोको निर्देशन प्रकाश भट्टले गरेका हुन् भने नवराज उप्रेतीको छायांकन गरेका छन् । विष्णु शर्माको सम्पादनमा तयार पारिएको भिडिओलाई शिशिर पौडेलको आधिकारिक युटुब च्यानलबाट सार्वजनिक गरिएको हो।
‘पिच रोड’ र ‘घाममा सुकाइदेउ’ जस्ता चर्चित गीतको युगल गायनमा सफल मानिएको जोडी समिर आचार्य र विद्या तिवारीको नयाँ गीत
‘भात खाएर हो ‘ सार्वजनिक भएको छ। समिरकै शब्द ,संगीत र श्यामस्वेत रसाइलीको एरेन्ज रहेको गीतको भिडियोमा अष्ट्रेलियामा रहेको चर्चित डान्स क्रु ”द नेक्ट”लाइ फिचारिंग गरिएको छ। भिडियोमा ”द नेक्ट”का प्रभा दवाडी ,साजिया मियाँ,अन्जना तामाङ , दिञ्छेन ह्योल्मो ,अमित बज्राचार्य ,अमर पाख्रिन र प्रवेश गौचनको दमदार नृत्य रहेको छ।
अष्ट्रेलियामा बसेर आफ्नो सांगीतिक करिअरलाई अगाडि बढाइरहेका गायक समिर र गायिका विद्याको यसअघिको गीतले राम्रो चर्चा पाइसकेका छन् । ”द नेक्ट”को युट्युब च्यानलबाट शुक्रबार सार्वजनिक गरिएको भिडियोलाई एस स्टडी वर्ल्डले निर्माण गरेको हो। एस स्टडी वर्ल्डले यसअघि पनि राम्रा राम्रा गीतहरुको म्युजिक भिडियोको निर्माण गर्दै आइरहेको छ र यसलाई आगामी दिनमा पनि निरन्तरता दिइने एसका निर्देशक बिष्णु नेपालले जानकारी दिनु भयो । बिगत लामो समय देखि एस स्टडी वर्ल्डले अस्ट्रेलिया लगायत विश्वभर उच्च शिक्षा अध्ययन गर्न जान चाहने बिद्यार्थीहरुलाई त्यहाको शिक्षा र अध्यागमन (इमिग्रेसन ) सम्बन्धि यथार्थ जानकारी दिदै आइरहेको छ ।
